Nachricht

Am Dienschdag am 6. Oktober semmer zum Landdag morgens om 7:40 Uhr losgfahre.

Nach dem Marsch vom Bahnhof zom Landdag hemmer die andre Glasse droffe. Mir send von nem älteren Weib erwardet worde. Mir send dann im Plinarsaal no gsässe ond hend gwarded. Nach dr Begrüßung hemmer a Minischderwahl noochgspielt. Des war sau luschdigond mir hend elle glached. Mir send elle in verschiedene Pardeien gsässe und jede Pardei hat nen Minischderpresident vorgschlage. No hemmer ogfange zom wähle. Jeder hat ne Stimme kett. Mir send ons aber net einig gworde deshalb hemmers bleibe lau.



Danoch send zwoi Abgeordnede vorbeikomma ond mir hend denne Froga gstellt. Es ging om Thema wie Flichtling, Griecheland ond Politig allgemein. Die hend ons elle Froga so gut wies ging beandworded. D‘ Zeit isch schnell vorbeigange ond mir waret elle schlauer danoch.



Nooch nem Päusle ond nem leggeren Feschber semmer wieder Hoim gfahre von Sturgert nach Neifa.



Vielen Dank an d Frau Munk, dr Herr Thurn, dr Herr Hoffmann ond dr Herr Seil für die Begleidung.



Von dr Franzi, dr Nadine ond dr Vanessa